१
मानवी जीवन रूपांतरित करणे हाच साधनेचा अर्थ आहे. जीवनाच्या रूपांतरासाठी केवळ बाह्य परिवर्तनाने भागणारे नाही. त्यासाठी मानवी जीवन नवीन आदर्शांच्या आधारावर अनुप्रणित केले पाहिजे. त्या आदर्शाचे अनुसरण करताना आपणास आहुती दिली पाहिजे. आदर्श आदर्शाच्या बलीवेदीवर स्वतः बळी दिल्यानंतर माणसाचे विचार, उक्ती आणि कृती यात एकसूत्रता येते. त्यांचे अंतर्बाह्य रुप एक होते. संपूर्ण जीवन एका आदर्श सूत्रांत गुंफले जाते. या क्षणी तो जीवनाचा नवीन रस, नवीन अर्थ, नवीन आनंद शोधू शकतो. त्याच्या या समोर समग्र विश्व नव्या प्रकाशात प्रकट होते. - नेताजी सुभाष चंद्र बॉस
२
ज्याप्रमाणे हाडांच्या सांगाड्याविना शरीर उभे राहू शकत नाही त्याप्रमाणे कार्यकर्त्यांशिवाय संघटना टिकू शकत नाही व प्रगतीही करू शकत नाही. हाडांच्या सांगाड्यात पाठीचा कणाही असतो. हा कणाच संपूर्ण शरीराला मजबूती देत असतो. संघटनेतही आदर्शवादी कार्यकर्त्यांचा एक गट असा असतो की तो संघटनेला शक्ती देत असतो. एकनाथजी रानडे
कोणत्याही टिप्पण्या नाहीत:
टिप्पणी पोस्ट करा